365 көн догада / 365 кон догада

Пәйгамбәребез Мөхәммәд салләллаһу галәйһи вә сәлләм: “Дога – ул гыйбадәт”, – дип әйткән. Без дога кылу үрнәкләрен Коръәни Кәримнән, Расүлебезнең Сөннәтеннән укып беләбез. Безнең максат – доганы үзебезнең юлдашыбыз итү, чөнки һәр вакытта да, һәр очракта да Раббыбызга дога белән мөрәҗәгать итә, Аңа сыена, Аннан ярдәм сорый алабыз. Бу мөселман кешесе өчен бирелгән олуг нигъмәт.
“365 көн догада” дип исемләнгән әлеге китапта тормышыбызның һәр очрагына кагылышлы булган догалар тәкъдим ителде. Биредә без дога кылу әдәпләре, шартлары, тәртипләре белән дә таныша алабыз. Шулай ук китапта зикерләр, салаватлар, мөбарәк кичәләрдә, айларда кылына торган догалар һәм Коръән укыгач багышлый торган догалар да урын алган. Һәр дога укылышы һәм тәрҗемәсе белән гарәп телендә китерелә. Хезмәт тормышыбызны догалы итүдә сәбәпче булыр һәм һәркем өчен файдалы булыр дип өметләнәбез.